SHPP bazuar në modelin e ri të ofrimit të shërbimeve do t’i ofroj punëdhënësit një kombinim të shërbimeve nëpërmjet (i) internetit (nëpërmjet kompjuteri dhe telefonat e mençur) dhe (ii) takimeve drejtpërdrejta (ballë për ballë) të përshtatura sipas nevojave të punëdhënësit.

Nga këndvështrimi i punëdhënësit, pritet që disa biznese të preferojnë të përdorin shërbimet online, disa takime të drejtpërdrejta, dhe disa të dyja në të njejtën kohë. Më konkretisht, punëdhënësi që ka punuar me SHPP dhe që njeh shërbimet e SHPP, bizneset më të mëdha të cilat kanë punonjës ose njësi të ‘Burimeve Njerëzore’ (BN), dhe bizneset e tjera më të vogla të cilat kanë nivel të lartë të aftësive në TI (edhe nëse nuk kanë njësi apo punonjës të BN) priten të përdorin shërbimet përmes internetit. Në anën tjetër, ata që kanë më pak njohuri lidhur me shërbimet e ZP, bizneset më të vogla që nuk kanë njësi ose punonjës të BN dhe kanë nivel të ulët të aftësive në TI priten të preferojnë komunikimin e drejtpërdrejt me SHPP. Por do të ketë edhe biznese që do të përdorin shërbimet nëpërmjet internetit për shembull për të shpallur vendet e lira të punës, por gjithashtu do të përdorin komunikimin e drejtpërdrejt për të marrur shërbimet e para-përzgjedhjës së kandidatëve për intervistim dhe shërbimet e përzgjedhjes për rekrutim. Për këtë arsye është shumë e rëndësishme për SHPP të ofrojnë të dy llojet e shërbimeve, digjitale dhe të drejtpërdrejta.

Qëllimi kryesor i Agjencisë së Punësimit është përkrahja e individëve që kërkojnë të punësohen apo arsimohen me qëllim që të gjejnë një vend pune të përshtatshëm dhe/ose mundësi të tjera për karrierë në Kosovë.

Megjithatë, migrimi ka qenë, është dhe do të vazhdojë të jetë një realitet tepër i rëndësishëm për kosovarët, por edhe për qëndrueshmërinë ekonomike, sociale dhe politike të vetë vendit: Llogaritet që një nga katër kosovarë jeton aktualisht jashtë vendit, ndërkohë që migrimi po ndikon fuqishëm në zhvillimin njerëzor të popullit në Kosovë, p.sh. përmes remitancave, shpenzimeve të udhëtimit, investimeve, transferimeve të kapitalit njerëzor dhe social, pjesëmarrjes politike dhe qytetare. 

Pasja e mundësisë për të kërkuar punë jashtë vendit rrit zgjedhjet për punëtorët e Kosovës dhe kontribuon në zhvillimin njerëzor.

Nëse migrimi për qëllime punësimi menaxhohet në mënyrë të duhur dhe të barabartë, ai mund të shpalosë përfitime të ndërsjella për individët, si dhe për shoqëritë prej të cilave vijnë dhe për vendet drejt të cilave shkojnë. Prandaj, Agjencia e Punësimit e Republikës së Kosovës i jep kompetenca vetëm Divizionit të saj për Shërbime të Migracionit që të menaxhojë në mënyrë aktive emigrimin për qëllime punësimi dhe të ofrojë shërbime përkatëse nëpërmjet Qendrës së Shërbimeve të Migrantëve dhe zyrave të saj rajonale dhe lokale të punësimit.