Migrimi për Qëllim Punësimi

Këshillim (personalisht, përmes internetit apo telefonit) lidhur me:

• Mundësitë për trajnim, edukim dhe punësim në Kosovë
• Mundësitë për trajnim, edukim dhe punësim jashtë vendit
• Parakushtet dhe mundësitë e migrimit të rregullt drejt vendeve të huaja për qëllime punësimi
• Parakushtet dhe mundësitë e punësimit të të huajve në Kosovë
• Referimin për tek institucionet e tjera të Kosovës apo ato ndërkombëtare

Trajnime:

• Aplikimi për punë (p.sh. si shkruhet një CV)
• Intervistat e punës
• Si të gjesh punë jashtë vendit

Zhvillim dhe zbatim të projekteve për migrimin (qarkor) për qëllime punësimi Vendosje të ndërlidhjes me palët e interesuara, siç janë agjencitë lokale dhe ndërkombëtare, private dhe publike të ndërmjetësimit, ambasadat, etj.

Në këtë projekt, "partneriteti i shprehive për migrim qarkor", partnerët pjesëmarrës, Shoqata Bavareze e Kompanive të Ndërtimit(LBB), Shoqata Federale Gjermane për Bashkëpunim Ndërkombëtar(GIZ) dhe Agjencia e Punësimit e Republikës së Kosovës(APRK), janë zotuar të shqyrtojnë mundësitë për përmisimin e aftësimit profesional dhe trajnimit në sektorin e ndërtimit në Kosovë dhe t'u ofrojnë, në të njejtën kohë, mundësi konkrete të rinjve kosovarë që të kryejnë stazhin e punës në Gjermani.

Në vitin 2017, u përzgjodhen tetë të rinj nga Kosova, të cilët u përgatitën dhe u punësuan nga shtatori i vitit 2017 e tutje si stazhierë në kompanitë anëtare të LBB-së, të cilat ndodhen në Bavari të Gjermanisë. Stazhet e punës do të ofrohen për për të cilat kanë kërkesa si Bavaria ashtu edhe Kosova. Të rinjtë nga Kosova do të përkrahen gjatë përpjekjeve të tyre për t'u integruar në Gjermani gjatë stazhit të të punës. Pas stazhit të punës, të rinjtë do të këshillohen lidhur me mundësitë për t'u kthyer në Kosovë, duke kontribuar në këtë më mënyrë për idenë e migrimit qarkor. Për më tepër, projektin përfshin bashkëpunimin për zhvillimin e sistemit të aftësimit dhe trajnimit profesional në fushën e ndërtimit.

Në vitin 2018, projektin do të vazhdojë, ndërkohë që për të kryer stazhin e punës në Bavari, do të përzgjidhet një grup tjetër të rinjsh nga Kosova.

Divizioni për Migrim bashkëpunon, mes të tjerësh, me:

• Administratat lokale, siç janë Autoriteti Qeveritar për Migrimin ose Zyrat Komunale për Kthim dhe Komunitete.
• Administratat e huaja, siç ështëAgjencia Federale Gjermane e Punësimit (BA)
• Organizatat donatore ndërkombëtare, siç është Shoqata Gjermane për Bashkëpunim Ndërkombëtar (GIZ)
• Ambasadat
• Dhomat lokale dhe të huaja të tregtisë dhe shoqatat
• Bizneset lokale dhe të huaja
• Agjencitë private lokale dhe ndërkombëtare të ndërmjetësimit