Ofrimi i shërbimeve të drejtpërdrejta për punëdhënësin

Disa nga detyrat dhe pergjegjësitë e zyrtarit të informimit/recepsionistit

Mirëpret klientin në zonën e pritjes; Mirëpret klientin në zonën e pritjes;
Orienton klientin për të marrur ndihmën e duhur;
Orienton klientin e interesuar për të marrur informacione për shërbimet e ZP në atë pjesë të zyrës ku janë të shpalosura këto informacione;
Ofron përshkrimet, shërbimet dhe programet e punësimit; si dhe kriteret e pranimit, proceset e aplikimit, dhe ndihmë të kërkuar për të kryer aplikimin;
Ofron qasje në kompjuter dhe faqen zyrtare të APRK për ata që kërkojnë të marrin shërbime online;
Cakton oraret e takimeve midis klientit dhe këshilltarit/es;
Përditëson dhe mirëmban informacionet dhe materialet që ndodhen në zonën e pritjes për të mundësuar një qasje të lehtë në të gjitha informacionet e disponueshme;
Siguron shpërndarjen e duhur të shpalljeve të vendeve të lira të punës dhe mundësitë e trajnimit në tabelën e shpalljeve, dhe përditëson këtë informacion;
Ofron klientit përgjigje të shpejta dhe të sakta;
Monitoron fluksin e klientëve në zyrë;
Asiston në fusha të tjera të punës, kur kërkohet.
Ofron mbështetje administrative për përgatitjen e takimeve, seminareve dhe ngjarjeve të tjera;

Disa nga detyrat dhe pergjegjësitë e këshilltarit/es për punësim:

Organizon vizita në biznese në mënyrë të rregullt gjatë promovimit të shërbimeve;
Kontakton punëdhënësit të cilët shpallin vende të lira të punës;
Kontakton punëdhënësit për të promovuar shërbimet e ZP dhe PATP
Mirëmban komunikimin me punëdhënësin nëpërmjet e-mailit ose telefonit
Mirëpret punëdhënësit në ZP dhe ofron informacione mbi shërbimet e punësimit;
Kryen regjistrimin e punëdhënësit në SIMP;
Regjistron vendet e lira të punës në SIMP;
Ofron shërbimet e ndërmjetësimit në përputhshmëri me kërkesat që dalin nga konkursi dhe me profilet e të papunësuarve;
Ofron shërbime cilësore të para-zgjedhjës së kandidatëve për intervistë sipas kërkesave të punëdhënësit;
Organizon intervista për përzgjedhjën finale të kandidatëve për rekrutim me kërkesën e punëdhënësit.

Disa nga detyrat dhe pergjegjësitë e udhëheqësit të zyrës së punësimit:

Organizon dhe monitoron veprimet e zyrës;
Mbikëqyr aktivitetet e stafit në baza ditore, javore, mujore për të siguruar që shërbimet e ofruara janë në përputhje me MO;
Monitoron agjendat e takimeve për të siguruar një efikasitet maksimal;
Trajton ankesat e klientëve dhe merr veprim për të zgjidhur çdo lloj ankese;
Harton plane pune për stafin për të ofruar shërbime dhe shqyrton progresin në intervale të rregullta;
Siguron që SIMP është përdorur në mënyrë efektive nga stafi gjatë ofrimit të shërbimeve;
Kryen rolin e sigurimit të cilësisë së shërbimeve të ofruara nga ZP dhe mbështet stafin në detyrat e tyre
Promovon në mënyrë aktive rolin e ZP në shoqatat e bizneseve si dhe tek punëdhënësit kryesor.