Portali i punës së Kosovës
Agjencia e Punësimit e Republikës së Kosovës (APRK) ka organizuar takim koordinues me komunitetin e donatorëve. Takimin e hapi Drejtori i Përgjithshëm i APRK-së, z.Drin Haraçia, i cili vlerësoj lart angazhimin dhe mbështetjen e donatorëve të cilët vazhdojn të mbështesin prioritetet kyçe të cilat janë duke përmiresuar mirëqenien e qytetarëve të Kosovës.
Gjatë takimit u prezentua plani i punës së APRK-së ku u paraqiten objektivat e përgjithshme dhe aktivitet kryesore të APRK-së për vitin 2021 dhe rezultatet që pritet të realizohen.
Gjatë takimit Donatorët kanë bërë prezantimin e aktiviteteve të planifikuara nga ana e tyre për vitin 2021, si dhe janë diskutuar modalitetet e bashkëpunimit dhe bashkërëndimit të aktiviteteve në të ardhmen ndërmjet tyre dhe APRK-së.
APRK dhe Donatorët janë dakorduar për domosdoshmërinë e koordinimit të aktiviteteve dhe ofrimit të përkrahjes edhe më të madhe për APRK- në mënyrë të realizimit të rezultateve konkrete në ofrimin e shërbimeve të punësimit dhe aftësimit profesional.
Poashtu është dakorduar që takime të tilla të organizohen në vazhdimësi ne baza tre-mujore në mënyrë që të koordinohen të gjitha aktivitetet e parapara.
Në fund të takimit, APRK ka ndarë mirënjohje për donatorët, duke i falenderuar për bashkëpunimin e deritanishëm.
Agjencia e Punësimit e Republikës së Kosovës është organ i pavarur në kuadër të Ministrisë së Financave, Punës dhe Transfereve, me detyrën kryesore të administrimit të tregut të punës dhe zbatimin e politikave të punësimit dhe aftësimit profesional në Kosovë. APRK ka objektiva të rëndësishme, duke përfshirë përmirësimin e cilësisë dhe efikasitetit të shërbimeve publike të punësimit, modernizimin dhe reformimin e shërbimeve të aftësimit profesional, zgjerimin e mbulueshmërisë dhe rritjen e efikasitetit të masave aktive të tregut të punës, si dhe zhvillimin dhe përmirësimin e analizave për aspekte të ndryshme të tregut të punës. Agjencia ofron shërbime punësimi dhe aftësimit profesional për personat e papunë, punëkërkuesit, punëdhënësit, të punësuarit dhe shtetasit e huaj që kanë për qëllim punësimin në Kosovë. Për të koordinuar veprimtaritë e saj në nivel lokal, Agjencia ka një Zyrë Qendrore të specializuar në administrimin e politikave të punësimit, aftësimit dhe riaftësimit profesional. Zyra Qendrore e Agjencisë ka detyra të ndryshme, duke përfshirë zbatimin e politikave të Ministrisë së Financave, Punës dhe Transfereve në fushën e punësimit, aftësimit dhe riaftësimit profesional, monitorimin dhe koordinimin e zbatimit të masave dhe programeve aktive të tregut të punës, si dhe hartimin e kurrikulave, materialeve mësimore dhe procedurave të vlerësimit sipas Kornizës Kombëtare të Kualifikimeve. Për të siguruar shërbime punësimi dhe aftësimit profesional të cilësisë së lartë, Agjencia mund të kontraktojë ofrues jopublikë të akredituar, në përputhshmëri me kornizën ligjore. Gjithashtu, Agjencia publikon dhe promovon shërbimet e punësimit dhe ka si qëllim identifikimin e nevojave për trajnimin/avancimin e stafit në nivel lokal me qëllim të përmirësimit të ofrimit te shërbimeve. Në përgjithësi, Agjencia e Punësimit e Republikës së Kosovës është institucioni kryesor në fushën e punësimit dhe aftësimit profesional në Kosovë, duke punuar për të koordinuar dhe zbatuar politikat qeveritare në këtë fushë.
