THIRRJE PËR APLIKIM PROGRAMI PËR TRAJNIM NË PUNË për personat e riatdhesuar në Kosovë
Data e botimit: 15.04.2021
Agjencia e Punësimit e Republikës së Kosovës (APRK) në bashkëpunim me Programin për
Zhvillim të Kombeve të Bashkuara (UNDP) me mbeshtetjen e Departamentit për Riintegrim të
Personave të Riatdhesuar (DRPR) - Ministria e Punëve të Brendëshme (MPB), shpallë thirrjen e
hapur për aplikim për mbështetje nga programi për Trajnim në Punë (TNP) për ndërmarrjet
(punëdhënësit) e interesuar nga sektori privat dhe për personat e riatdhesuar në Kosovë
të regjistruar si punëkërkues.
Rreth Programit për Trajnim në Punë
Programi Trajnim në Punë (TNP) ka për qëllim ti ofrojë mundësinë punëkërkuesve të papunë që
kanë nivel të kufizuar arsimor dhe nuk kanë përvojë të mëparshme të punës, të ndjekin një
trajnim tre mujor në një ndërmarrje nga sektori privat. Gjatë periudhës së trajnimit, në emër të
mbulimit të shpenzimeve elementare, kandidati do të kompensohet me 170.00 euro në muaj.
Me qëllim të përkrahjes së punësimit të qëndrueshëm në Kosovë, programi fokusohet në
identifikimin e ndërmarrjeve që kanë potencial të ofrojnë mundësi afatgjata të punësimit. Në
mënyrë që të përfitojnë nga programi, kandidatët e papunësuar dhe punëdhënësit duhet të
regjistrohen në Zyren e Punësimit (ZP) në komunën e tyre.
Përveç përkrahjes së punëkërkuesve të papunë në gjetjen e mundësive për trajnim, programi
TNP lehtëson gjithë procesin e identifikimit dhe përputhjes së punëkërkuesve me ndërmarrjet.
Duke pasur parasysh vështirësitë me të cilat përballen ndërmarrjet private në gjetjen dhe
angazhimin e stafit të aftësuar që kërkohet për zgjerimin e veprimtarive të tyre afariste,
programi TNP do të angazhojë ekspertizën e ZP për të përputhur secilën pozitë të TNP me
punëkërkuesit e përshtatshëm në harmoni me nevojat dhe kriteret e caktuara nga ndërmarrjet.
Programi TNP implementohet sipas hapave në vijim:
Hapi i parë - Shprehja e interesimit për të përfituar nga programi TNP:
Të gjitha ndërmarrjet e interesuara të sektorit privat mund të shprehin interesim për të përfituar,
duke shkarkuar formularin për aplikim nga interneti në adresën: https://aprk.rks-gov.net .Përveç
kësaj, formularët për aplikim janë gjithashtu të disponueshëm në ZP në të gjitha komunat.
Formularit për aplikim duhet t’i bashkangjiten certifikata e regjistrimit të biznesit të ndërmarrjes
që aplikon.
Punëkërkuesit potencial dhe kompanitë duhet të regjistrohen në ZP në komunën e tyre, nëse
nuk e kanë bërë tashmë. Pas regjistrimit, punëkërkuesve do t`i ofrohen sesionet e para
këshilluese nga këshilltari. Ndërmarrjeve do t’iu kërkohet të dëshmojnë që janë të regjistruara në
Agjencinë për Regjistrimin e Bizneseve në Kosovë (ARBK).
Hapi i dytë: Këshilltarët në ZP do të konsultojnë/ndërmjetësojnë procesin dhe identifikojnë një
ndërmarrje të përshtatshme per punëkërkuesit e regjistruar nga Sistemi i Menaxhimit të
Informatave të Punësimit (SMIP). Ndërmarrjet duhet të ofrojnë dëshmi që janë të gatshme t’i
trajnojnë punëkërkuesit. Pas këtij procesi, nënshkruhet një marrëveshje për TNP ndërmjet
punëkërkuesit dhe punëdhënësit, ku përcaktohen përgjegjësitë e secilës palë. QAP do të
përpilojë planin individual të trajnimit, në bashkpunim me ndërrmarjen.
Programi mbulon shpenzimet elementare të punëkërkuesve gjatë periudhës së trajnimit, gjë që
ofron një stimulim për punëdhënësit që t’i aftësojnë ata për një punesim afatgjate brenda
ndërmarrjes.
Kush mund të aplikojë?
1. Ndërmarrjet private
Për pjesëmarrje në program, mund të aplikojnë të gjitha ndërmarrjet (punëdhënësit) e
interesuar të regjistruar në ZP. Ndërmarrjet duhet të jenë të regjistruara në ARBK dhe të jenë
taksapagues aktiv në Administratën Tatimore të Kosovës (ATK).
Formulari i aplikimit mund të gjendet në internet, në adresat elektronike Formulari aplikimit ose https://mpms.rks-gov.netsi dhe në ZP në secilën komunë.
Kush nuk mund te aplikojë?
Organizatat jo-qeveritare;
Veprimtaritë financiare dhe të sigurimeve, veprimtaritë që përfshijnë bixhozin, sallonet e
masazheve;
Prodhimi i pijeve me përmbajtje të lartë të alkoolit;
Prodhimi dhe shpërndarja e armëve;
Prodhimi që përdor teknologji që çojnë në ndotje të mjedisit (si ndotje të ajrit, ujit, tokës
etj.);
Bizneset jo-formale dhe qëndra te thirrjes me aktivitet te dyshimt biznesor.
2. Personat e riatdhesuar të regjistruar si punëkërkues të papunë
Të gjithë personat e riatdhesuar në Kosovë (në 5 vitet e fundit) të regjistruar si
punëkërkues në ZP, që nuk kanë përvojë të mëparshme të punës, mund të përfitojnë nga
programi TNP.
Prioritet do të kenë:
Gratë,
Pakicat etnike.
Personat me aftësi të kufizuara,
Prindërit vetëushqyes.
Të gjithë të interesuarit duhet të regjistrohen në ZP në komunat e tyre përkatëse.
Rastet e konfliktit të interesave me palët e përfshira dhe vendimmarrësit e programit për TNP,
nuk kanë të drejtë të përfitojnë nga ky program (antarë të familjes së ngushtë). Personat të cilët
kanë përfituar më herët nga programi i subvencionimit në pagë apo nga programi i
vetpunësimit, nuk mund të përfitojnë nga kjo skemën.
Afati i aplikimit 15.04.2021-30.05.2021
Mbështetja financiare për punëkërkuesit
Kostoja e aftësimit të punëkërkuesve mbulohet nga programi. Kompensimi në shumën 170.00
euro në muaj i bëhet drejtëpërdrejtë të trajnuarit në llogarinë bankare personale gjatë trajnimit
tre mujorë. Kjo poashtu ofron një stimulim për punëdhënësin që të aftësojë një punëkërkues për
punesim afatgjate brenda ndërmarrjes. Pagesat punëkërkuesit i bëhen në baza mujore për t’i
mbuluar shpenzimet elementare gjatë trajnimit (udhëtimi, ushqimi). Ndërmarrjet inkurajohen që
ta punësojnë punëkërkuesin pas përfundimit të trajnimit.
Punëkërkuesit pas përfundimit të trajnimit do të pajisen me çertifikatë të vijimit të trajnimit nga
Qendra e Aftësimit Profesional (QAP), e cila shërben si dokument referues i aftësive për ta
mbështetur punëkërkuesin dhe mund të jetë përparësi për atë gjatë kërkimit të punës në të
ardhmen.
Si të aplikohet?
Ndërmarrjet e interesuara private duhet të dorëzojnë formularin e aplikimit të
plotësuar në ZP në komunën e tyre. Formulari i aplikimit është i disponueshëm në internet
në adresat elektronike: https://aprk.rks-gov.net/Content/News/Index ose
https://mpms.rks-gov.net si dhe i printuar në secilën ZP në tërë Kosovën. Aplikantët duhet
bashkangjitur në aplikacion çertifikatat e tyre për regjistrimin e biznesit. Ndërmarrjet do të
kontaktohen nga ZP me një listë të kandidatëve potencial.
Punëkërkuesit e riatdhesuar të interesuar për vendet e lira duhet të regjistrohen në ZP në
komunat e tyre ose të vizitojnë ZP ku ata tashmë janë regjistruar dhe të informojnë
këshilltarët e tyre të punësimit në lidhje me interesin e tyre.
Informacione tjera
Për më shumë informata, ju lutemi kontaktoni Zyret e Punësimit në komunën tuaj.
Në rast se keni pyetje në lidhje me programin TNP, ju lutem kontaktoni projektin ALMP2/UNDP
në adresën elektronike: almp.ks@undp.org.
Rreth projektit ALMP2 në UNDP Kosovë
Objektivi kryesor i Programeve Aktive të Tregut të Punës (PATP2/ALMP2) është përmirësimi i
kapaciteteve të institucioneve të tregut të punës për të hartuar politikat relevante të
përgjegjshme-gjinore në nivelin qendror dhe ofrimi i shërbimeve të integruara në nivel lokal,
duke u fokusuar në grupet më të cenueshme në mesin e të papunëve. Gjithashtu, projekti ofron
mundësi për punësim dhe trajnim për personat e papunë
COVID-19
KUJDES I VEÇANTË gjatë procesit të aplikimit:
Bartja e maskave, mbajtja e distances dhe larja e duarve sipas udhëzimeve nga IKSHP-së dhe
OBSH-së.
Në çdo zyre do të mbahet distanca në të gjitha hapesirat prej 2 metrave.
Asnjë aplikues nuk lejohet të hyjnë brenda institucioneve pa maskë