Portali i punës së Kosovës
APRK me përkrahje të GIZ/DIMAK, ka certifikuar zyrtarët e saj në shërbime të punësimit dhe migrimit. Në kuader të trajnimit që i ka parapri këtij certifikim, zyrtarët në fjalë kanë përfituar njohuri lidhur me informatat e përgjithshme mbi vegëzat për kërkim të informatave të përgjithshme të punës, si të kërkohet një vend pune, si dhe përmirësimin e aftësive të punësimit të pjesëmarrësve për qasjen në tregun e punës dhe po ashtu në ngritjen e njohurive mbi proceset e migrimit në vendet e BE-së. Në trajnim poashtu janë ofruar informata mbi kërkesat e resurseve tjera njerëzore dhe baza ligjore, migrimit të fuqisë punëtore, si dhe përditësimin e njohurive dhe informimin e stafit mbi kërkesat e tregjeve tjera të punës për resurse njerëzore.
Një ndër objektivat kryesore të Agjencisë së Punësimit të Republikës së Kosovës ka qenë dhe vazhdon të jetë ngritja e kapaciteteve njerzore më qëllim të përkrahjës së punëkërkuesve të regjistruar, dhe të cilët kërkojnë punësim apo aftësim, me qëllim që të gjetjës së një vendi pune të përshtatshëm, apo mundësi të tjera për karrierë në Kosovë. Poashtu Agjencia e Punësimit e Republikës së Kosovës përmes Divizioneve të saja për shërbim dhe migrim për punësim, synon që të menaxhojë në mënyrë aktive emigrimin për qëllime punësimi dhe të ofrojë shërbime përkatëse nëpërmjet Zyrave të Punësimit.
Migrimi për qëllime punësimi, nëse menaxhohet në mënyrë të duhur dhe të barabartë, ai mund të shpalosë përfitime të ndërsjella për individët, si dhe për shoqëritë, prej të cilave vijnë si dhe për vendet drejt të cilave shkojnë, dhe APRK me këtë ka për qëllim parandalimin e migrimit jo të rregullt.
Agjencia e Punësimit e Republikës së Kosovës është organ i pavarur në kuadër të Ministrisë së Financave, Punës dhe Transfereve, me detyrën kryesore të administrimit të tregut të punës dhe zbatimin e politikave të punësimit dhe aftësimit profesional në Kosovë. APRK ka objektiva të rëndësishme, duke përfshirë përmirësimin e cilësisë dhe efikasitetit të shërbimeve publike të punësimit, modernizimin dhe reformimin e shërbimeve të aftësimit profesional, zgjerimin e mbulueshmërisë dhe rritjen e efikasitetit të masave aktive të tregut të punës, si dhe zhvillimin dhe përmirësimin e analizave për aspekte të ndryshme të tregut të punës. Agjencia ofron shërbime punësimi dhe aftësimit profesional për personat e papunë, punëkërkuesit, punëdhënësit, të punësuarit dhe shtetasit e huaj që kanë për qëllim punësimin në Kosovë. Për të koordinuar veprimtaritë e saj në nivel lokal, Agjencia ka një Zyrë Qendrore të specializuar në administrimin e politikave të punësimit, aftësimit dhe riaftësimit profesional. Zyra Qendrore e Agjencisë ka detyra të ndryshme, duke përfshirë zbatimin e politikave të Ministrisë së Financave, Punës dhe Transfereve në fushën e punësimit, aftësimit dhe riaftësimit profesional, monitorimin dhe koordinimin e zbatimit të masave dhe programeve aktive të tregut të punës, si dhe hartimin e kurrikulave, materialeve mësimore dhe procedurave të vlerësimit sipas Kornizës Kombëtare të Kualifikimeve. Për të siguruar shërbime punësimi dhe aftësimit profesional të cilësisë së lartë, Agjencia mund të kontraktojë ofrues jopublikë të akredituar, në përputhshmëri me kornizën ligjore. Gjithashtu, Agjencia publikon dhe promovon shërbimet e punësimit dhe ka si qëllim identifikimin e nevojave për trajnimin/avancimin e stafit në nivel lokal me qëllim të përmirësimit të ofrimit te shërbimeve. Në përgjithësi, Agjencia e Punësimit e Republikës së Kosovës është institucioni kryesor në fushën e punësimit dhe aftësimit profesional në Kosovë, duke punuar për të koordinuar dhe zbatuar politikat qeveritare në këtë fushë.
